नवी दिल्ली : 2 लाखापेक्षा अधिक किमतीचे सोने खरेदी केल्यास पॅन कार्ड अनिवार्य करण्याच्या सरकारच्या निर्णयाविरोधात देशभरातील ज्वेलर्स येत्या 10 फेब्रुवारीला हडताळ करणार आहेत. सरकारच्या या निर्णयामुळे सोन्याच्या व्यवसायात 25 ते 30 टक्के घसरण झाली आहे, असा आरोप त्यांनी केला आहे. पॅन कार्ड अनिवार्य करण्यासाठी सोनेखरेदीची मर्यादा दोन लाखांवरून पाच लाख करावी, अशी मागणी ज्वेलर्सच्या संघटनांनी केली आहे.
देशभरातील ज्वेलर्स सरकारच्या या निर्णयाविरोधात संप करणार आहेत. दिल्ली ज्वेलर्स असोसिएशनचे अध्यक्ष योगेश सिंघल यांनी सरकारच्या या निर्णयास आम्ही विरोध करणार अहोत, असे सांगितले. सरकारच्या या निर्णयाविरोधात देशभरातील सोन्याचे व्यापारी आपापली दुकाने बंद ठेवतील, असे ते म्हणाले.
सोन्याच्या व्यापार्‍यांच्या अनुसार, सरकारच्या या मनमानीमुळे ज्वेलर्सचे कोट्यवधी रुपयांचे नुकसान झाले आहे. सोन्याच्या व्यापारावर याचा अत्यंत विपरित परिणाम झाला आहे. व्यापारात 25 ते 30 टक्के घसरण झाली आहे. सरकारने एक तर ही मर्यादा पाच लाख करावी अन्यथा कराचा स्लॅब कमी करावा ज्यामुळे जास्तीत जास्त लोक पॅन कार्डच्या कक्षेत येतील, असे सिंघल यांनी म्हटले आहे.
देशभरातील ज्वेलर्सचा 10 फेब्रुवारीला संप
