श्री गणेश शिव मंदीरात महाशिवरात्री उत्सवाचे आयोजन

सुजित शिंदे
नवी मुंबई : सारसोळे, सेक्टर १२ येथील श्री गणेश शिव मंदीरात ७ मार्च रोजी महाशिवरात्रौत्सवाचे आयोजन करण्यात आले आहे. पहाटे ४ वाजल्यापासून रात्रौ ११ वाजेपर्यत विविध धार्मिक कार्यक्रमांचे आयोजन करण्यात आले आहे.
पहाटे ४ वाजता रूद्रभिषेक, सकाळी ११ वाजता मकरेश्‍वर भजनी मंडळाचे भजन, दुपारी २ वाजता गजानन प्रासादिक मित्र मंडळ करावे यांचे भजन, सांयकाळी ५ वाजता भगवती महिला मंडळ, सारसोळे यांचे भजन, सांयकाळी ६ वाजता हरिपाठ, सांयकाळी ७.३० वाजता बाबामहाराज सातारकर यांचे किर्तन होणार आहे.
श्री. गजानन देवस्थान कार्यकारी मंडळ-सारसोळे, समस्त सारसोळे ग्रामस्थ व सेक्टर ६चे रहिवाशी, गजानन सांप्रदायिक भजन मंडळ-सारसोळे आदी या महाशिवरात्रौत्सवासाठी परिश्रम करत असून नवी मुंबईकरांनी मोठ्या संख्येने या उत्सवात सहभागी व्हावे असे आवाहन कार्यक्रमाचे आयोजक कैलास पाटील यांनी केले आहे.