आरएसएस त्यांच्या कट्टर हिंदुत्व विचारसरणीसाठी ओळखला जातो. शाळेत शिकणारे अनेक मुस्लिम विद्यार्थी गावाकडील आहेत. हे विद्यार्थी नियमाप्रमाणे श्लोक पठनदेखील करतात, तसंच अभ्यास आणि खेळातही उत्तम आहेत. सरस्वती शिशू मंदिर आणि सरस्वती विद्या मंदिरमधील अधिका-यांनी काही मुस्लिम विद्यार्थ्यांनी त्यांच्या शाळेचं नाव उंचावलं असल्याचं सांगितलं आहे. खेळ, सांस्कृतिक कार्यक्रम आणि अभ्यासात त्यांनी उत्तम कामगिरी केली आहे.
मुस्लिम विद्यार्थ्यांचा आकडा वाढत असल्याने आरएसएसच्या विचारसरणीवर आरोप करणा-यांना उत्तर मिळाल्याचं आरएसएसचं म्हणण आहे. या शाळांमध्ये दिवसाची सुरुवात सुर्यनमस्काराने होते. तसंच राष्ट्रगीत वंदे मातरम आणि वैदिक मंत्रदेखील बोलले जातात.
विशेष म्हणजे काही दिवसांपुर्वी आसाममधील आरएसएसच्या एका शाळेत मुस्लिम विद्यार्थ्याने टॉप केलं होतं. आरएसएस मुस्लिमविरोधी नसून कोणत्याही धर्माविरोधात नाहीत. हे देशाच्या हितासाठी असून कोणतंही जातीयवाद धोरण नसल्याचं आरएसएसने बोलल्याचं सुत्रांकडून कळलं आहे.
