नवी मुंबई : नेरूळ सेक्टर २ येथील कॉंग्रेसच्या मध्वर्ती निवडणूक कार्यालयात क्रांतीज्योति सावित्रीबाई फुले यांचा पुण्यतिथी सोहळा उत्साहात पार पडला. कॉंग्रेसचे नवी मुंबई जिल्हा प्रवक्ते व नवी मुंबई इंटकचे अध्यक्ष रवींद्र सावंत यांच्या मार्गदर्शनाखाली, कॉंग्रेसच्या नवी मुंबई जिल्हा सचिव विद्या भांडेकर आणि नेरूळ तालुका उपाध्यक्षा सौ. गौरी रवींद्र सावंत यांच्या नेतृत्वाखाली या कार्यक्रमाचे आयोजन करण्यात आले होते.
कार्यक्रमात सावित्रीबाई फुले यांच्या प्रतिमेला पुष्पहार घालून दिपप्रज्वलन करण्यात आले. यावेळी रवींद्र सावंत व विद्या भांडेकर यांनी उपस्थितांना मार्गदर्शन करताना सावित्रीबाईंच्या जीवनपटाचा आढावा घेतला. या कार्यक्रमात सौ. सुनिता शिंदे, सौ. पवित्रा सरडे, सौ. जयश्री थवई, सौ. शीतल सावंत, सौ. मनीषा गायकवाड, सौ. स्वाती खिलारी सहभागी झाले होते.
