नवी मुंबईत ६७ कोरोनाचे नवे रूग्ण, ३ मृत्यू

संदीप खांडगेपाटील : ८३६९९२४६४६ – ९८२००९६५७३

Sandeepkhandgepatil@gmail.com – Navimumbailive.com@gmail.com

नवी मुंबई : कोरोना महामारीच्या विळख्यातून नवी मुंबई शहराची सुटका करण्यासाठी महापालिका प्रशासन शर्थीचे प्रयत्न करत असून शनिवारी, दि. ३१ जुलै रोजी नवी मुंबईत कोरोनाचे नवे ६७ रूग्ण आढळून आले आहेत. कोरोना महामारीमुळे आजपर्यत १८३१ नवी मुंबईकरांचा मृत्यू झालेला आहे.

आज आढळून आलेल्या ६७ नवीन कोरोना रूग्णांमध्ये बेलापुर विभागात १८, नेरूळ विभागात १५, वाशी विभागात १०, तुर्भे विभागात १, कोपरखैराणे विभागात १२, घणसोली विभागात १, ऐरोली विभागातील १० रूग्णांचा समावेश आहे. दिघा विभागात आज एकही नवीन कोरोना रूग्ण आढळून आला नाही. आज कोरोना आजारातून बरे झालेल्या ८० रूग्णांना डिसचॉर्ज देण्यात आला आहे. होम आयसोलेशन अंर्तगत २३७ लोक घरी जावून कोरोनावर उपचार घेत आहेत. ६३९१ जणांनी आज कोरोनाची रॅपिड अॅण्टीजेन टेस्ट करून घेतली आहे. ९ लाख ९ हजार ५६ जणांनी आजवर कोरोनाची चाचणी करून घेण्यासाठी रॅपिड अॅण्टीजेन टेस्ट करून घेतलेली आहे. १३ लाख ९३ हजार ५१९ जणांनी आजवर स्वत:ची कोव्हिड १९ची चाचणी करून घेतलेली आहे.