नवी मुंबई : राष्ट्रवादी कॉंग्रेसच्या वतीने महादेव पवार यांच्या नेतृत्वाखाली पदाधिकारी व कार्यकर्त्यांकडून ‘राष्ट्रवादी कॉंग्रेस आपल्या दारी’ हे अभियान प्रभाग ३४ मध्ये सोमवार, दि. १४ नोव्हेंबरपासून राबविण्यात येणार आहे.
या अभियानामध्ये महादेव पवार व त्यांचे राष्ट्रवादीचे कार्यकर्ते व पदाधिकारी तसेच सहकारी १४ नोव्हेंबर ते १० डिसेंबर २०२२ या कालावधीत सांयकाळी ६ ते ९ या वेळेत घरोघरी जावून रहीवाशांशी सुसंवाद साधणार आहेत. यादरम्यान ऑनलाईन वऑफलाईन दोन्ही प्रकारच्या नवीन मतदार नोंदणीसाठी अर्जही घरोघरी जावून भरून घेण्यात येणार असून रहीवाशांशी नागरी समस्या व नागरी असुविधा यांची चर्चा करून समस्या व असुविधांची नोंद घेणार आहेत. पालिका प्रशासन, सिडको, पोलीस, एमआयडीसीबाबत ज्या काही समस्या असतील त्या समस्या सोडवून रहीवाशांना दिलासा देण्याचा राष्ट्रवादी कॉंग्रेस करणार आहे. तरी रहीवाशांनी या अभियानात सहभागी होवून मतदार नोंदणी करावी व समस्यांची माहिती उपलब्ध करून द्यावी असे आवाहन महादेव पवार यांनी केले आहे.
