महाराष्ट्र कर्मचारी युनियनच्या शिष्टमंडळाने घेतली मुख्य लेखा अधिकाऱ्यांची भेट
स्वयंम न्यूज ब्युरो : Navimumbailive.com@gmail.com
नवी मुंबई : महापालिका परिवहन उपक्रमात कार्यरत असणाऱ्या कर्मचाऱ्यांना, अधिकाऱ्यांना तसेच ठोक मानधनावरील कर्मचारी, रोजंदारीवरील कर्मचारी यांना दिवाळीच्या पार्श्वभूमीवर सानुग्रह अनुदान मिळावे यासाठी महाराष्ट्र कर्मचारी युनियनचे अध्यक्ष व कामगार नेते रविंद्र सावंत यांनी महापालिकेचे मुख्य लेखा अधिकारी तुषार दौंडकर व अन्य अधिकाऱ्यांची भेट घेत त्यांना निवेदन सादर केले.
महाराष्ट्र कर्मचारी युनियनचे शिष्टमंडळ कामगार नेते रविंद्र सावंत यांच्या समवेत पालिकेत गेले असता परिवहन व्यवस्थापक कार्यालयात नसल्याने उपस्थित असलेल्या मुख्य लेखा वित्त अधिकारी तुषार दौंडकर व पर्यावरण विभागाच्या प्रशासन अधिकारी दीपिका पाटील तसेच अचलकर, साळुंखे यांना सानुग्रह अनुदानाविषयी निवेदन सादर करण्यात आले. यावेळी कर्मचारी व अधिकाऱ्यांच्या संबंधित विभागातील समस्यांबाबत विस्तृत चर्चा करुन त्या सोडविण्याची मागणी केली असता संबंधित अधिकाऱ्यांनी सकारात्मक प्रतिसाद दिला.
यावेळी शिष्टमंडळात रविंद्र सावंत यांच्यासमवेत युनिट अध्यक्ष नितिन गायकवाड, कांतिलाल चांदणे, सुनील दुर्लेकर, अकबर मुलाने, अमित जाधव, राजकुमार शेलटकर, भालचंद्र कोळी आदी सहभागी झाले होते.
