नवी मुंबई : भारतीय राज्यघटनेचे शिल्पकार भारतरत्न डॉ. बाबासाहेब आंबेडकर यांच्या जयंतीनिमित्ताने जुईनगरमध्ये विविध कार्यक्रमाचे आयोजन करण्यात आले होते. हा जंयती सोहळा स्थानिक रहिवाशांच्या उत्स्फर्त प्रतिसादाने व सहभागाने उत्साहात पार पडला. १३ व १४ एप्रिल रोजी क्रांतीसूर्य सामाजिक प्रतिष्ठान संलग्न डॉ. बाबासाहेब आंबेडकर जयंतीमहोत्सव, जुईनगर यांच्यावतीने या कार्यक्रमांचे आयोजन करण्यात आले होते.
१३ एप्रिल रोजी महाराष्ट्राचा महागायक अरविंद मोहिते यांच्या ऑर्केस्ट्राचे आयोजन करण्यात आले होतेे. १४ एप्रिल रोजी सकाळी १० वाजता डॉ. बाबासाहेब आंबेडकरांच्या प्रतिमेचे पूजन करण्यात आले. यावेळी कार्यक्रमात राजकीय, सामाजिक, शैैक्षणिक क्षेत्रातील मान्यवर सहभागी झाले होते.
या कार्यक्रम आयोजनात दि बुद्धिस्ट सोसायटी ऑफ इंडिया, आदर्श शाखा जुईनगर, बौद्धजन पंचायत समिती शाखा क्रं ६९८ व रमाई महिला मंडळ जुईनगर या संस्था सहभागी झाल्या होत्या. हा कार्यक्रम यशस्वी करण्यासाठी रविंद्र सावंत, मंगेश गायकवाड, सुनिल सामंत, चंद्रकांत जगताप, संजय सोनावणे, लक्षमण भालेराव, बाबासाहेब माने, नितीन वंदावणे, संदीप आव्हाड, सचिन जावळे, रणजित कांबळे, प्रकाश ढसाळ आदींनी मेहनत घेतली.
जुईनगरमध्ये डॉ. बाबासाहेब जयंती उत्सव उत्साहात
