नवी मुंबई : नेरुळ सेक्टर-८ येथील कै. अण्णासाहेब पाटील सहकारी गृहनिर्माण संस्था (मर्यादित) परिसरातील मलनिःसारण वाहिन्यांच्या सुधारणा कामाला मंजुरी मिळाली असून, या महत्त्वपूर्ण विकासकामाचा शुभारंभ रविवार, २० सप्टेंबर रोजी सकाळी ११.३० वाजता करण्यात येणार आहे.
नवी मुंबई महानगरपालिकेच्या माध्यमातून हाती घेण्यात आलेल्या या कामामुळे सोसायटी परिसरातील मलनिःसारण व्यवस्थेत सुधारणा होण्यास मदत होणार असून, रहिवाशांना भेडसावणाऱ्या मलनिःसारणाशी संबंधित समस्यांवर कायमस्वरूपी तोडगा काढण्याच्या दृष्टीने हे काम महत्त्वपूर्ण मानले जात आहे.
या विकासकामाचा शुभारंभ नवी मुंबई महानगरपालिकेच्या महापौर सौ. सुजाता सुरज पाटील यांच्या हस्ते होणार आहे. यावेळी परिसरातील नागरिक, सोसायटीचे पदाधिकारी, रहिवासी तसेच विविध क्षेत्रातील मान्यवर उपस्थित राहणार आहेत.
परिसरातील मूलभूत नागरी सुविधांमध्ये सुधारणा करण्यासाठी सातत्याने पाठपुरावा करण्यात येत असून, त्याचाच एक भाग म्हणून मलनिःसारण वाहिन्यांच्या सुधारणा कामास मंजुरी मिळाल्याचे नगरसेवक श्री. सुरज बाळाराम पाटील यांनी सांगितले.
या विकासकामाच्या शुभारंभप्रसंगी परिसरातील नागरिकांनी मोठ्या संख्येने उपस्थित राहावे, असे आवाहन नगरसेवक श्री. सुरज बाळाराम पाटील यांनी केले आहे.