स्वयंम न्यूज ब्युरो : Navimumbailive.com@gmail.com
नवी मुंबई : दिवाळीच्या पार्श्वभूमीवर नवी मुबई जिल्हा काँग्रेसच्या सचिव विद्या भांडेकर यांनी सोसायटी आवारात लहान मुलांनी बनविलेल्या गडकिल्ल्यांची पाहणी केली.
विद्या भांडेकर यांनी प्रभाग २२ मध्ये गड-किल्ल्यांची स्पर्धा आयोजित केली होती. सोसायटी आवारात गडकिल्ले बनविणाऱ्या मुलांना प्रोत्साहन मिळावे, ऐतिहासिक वारशाबाबत जनजागृती, गडकिल्ल्यांची महती पुढच्या पिढीला कळावी या हेतूने विद्या भांडेकर यांनी या स्पर्धेचे आयोजन केले होते. या स्पर्धेत जवळपास १३० हन अधिक सोसायटीतील मुलांनी गडकिल्लेविषयी सहभाग नोंदविला होता. गेली तीन दिवस विद्या भांडेकर यांनी सीमा वाघ, दक्षा मारु , पावके, प्रेमलता तसेच कॉग्रेसच्या कार्यकर्त्यांसमवेत प्रभाग २२ मधील नेरूळ सेक्टर २, जुईनगर, सानपाडा परिसरातील गृहनिर्माण सोसायट्यांमध्ये जावून १०० हून अधिक गडकिल्ल्यांची पाहणी केली. मुलांच्या परिश्रमाची प्रशंसा करत गडकिल्ले बनविण्यामागची त्यांची इच्छा, प्रेरणा आदींबाबत चर्चा केली. लवकरच या स्पर्धेचा पारितोषिक वितरण समारंभ आयोजित करणार असल्याची माहिती विद्या भांडेकर यांनी दिली.