कुकशेतचा दहीहंडी महोत्सव ठरणार गोविंदा पथकांचे आकर्षण

सुजित शिंदे
नवी मुंबई : राष्ट्रवादी कॉंग्रेस पक्ष पुरस्कृत आणि कुकशेत गावातील जय गजाजन मित्र मंडळ आयोजित दहीकाला उत्सव नवी मुंबईतील दहीहंडी पथकांसाठी आणि गोविंदाप्रेमींसाठी विशेष आकर्षणाची बाब ठरणार असून कुकशेत गावातील सेक्टर १४ येथील महापालिका शाळेच्या क्रिडांगणावर हा महोत्सव राष्ट्रवादी युवक कॉंग्रेसचे नवी मुंबई जिल्हाध्यक्ष व नगरसेवक सुरज पाटील, नगरसेविका सौ. सुजाताताई पाटील, नगरसेविका सौ. जयश्रीताई ठाकूर यांच्या संयुक्त विद्यमाने आयोजित करण्यात आला आहे.
खुल्या गटासाठी ५१ हजार रूपयांचे पारितोषिक असून पारंपारक मानाच्या दहीहंडीला २२२२ रूपयांचे पारितोषिक ठेवण्यात आले आहे. सलामी देणार्‍या दहीहंडी पथकाला १ हजार रूपयांचे पारितोषिक दिले जाणार आहे. या दहीहंडी महोत्सवामध्ये नवी मुंबईचे शिल्पकार लोकनेेते गणेश नाईक, माजी खासदार संजीव नाईक, आमदार संदीप नाईक, महापौर सुधाकर सोनवणे, माजी महापौर सागर नाईक सहभागी होणार आहेत.