मुंबई : शिवसेना भवनात राजाराम रेगे यांची भेट घेतली, त्यांच्याशी मैत्री वाढविली आणि शिवसेना भवनात घुसलो. कारण शिवसेना भवनाची रेकी करायची होती. तसेच बाळासाहेब ठाकरे हे लष्कर ए तोयबाच्या हिट लिस्टवर होते, असा गौप्यस्फोट २६/११ हल्ल्यातील प्रमुख आरोपी डेव्हिड कोलम हेडली यांने आज केलाय.
मुंबई २६/११ हल्ला : लष्कर ए तोयबा भविष्यात शिवसेनाप्रमुख बाळासाहेब ठाकरे आणि शिवसेना भवनावर हल्ला करण्याच्या विचारात होती, त्यामुळे शिवसेना भवनची संपूर्ण माहिती काढण्यासाठी रेगेंच्या मदतीनेच शिवसेना भवनात घुसलो, असे हेडलीने आपल्या साक्षीत सांगितले.
हेडलीनं आज साक्षीदरम्यान अनेक महत्त्वाचे खुलासे केलेत. राजाराम रेगे नावाच्या व्यक्तीला शिवसेनाभवनात भेटल्याचं त्यानं साक्षीदरम्यान सांगितलं. राजाराम रेगे यांच्याशी हेडलीनं मैत्री केली. भविष्यात शिवसेना भवनावर हल्ला करण्याचा लष्कर ए तोयबाची योजना असेल, तर या बिल्डिंगची संपूर्ण माहिती असायला हवी, या उद्देशानं हेडलीनं शिवसेनाभवनाची पाहणी केली होती.
मोक्ष जीमच्या विलास या व्यक्तीच्या माध्यमातून एका शरीरसौष्ठव स्पर्धेत राहुल भट याच्याही भेट झाल्याचं हेडलीनं सांगितलं.
बाळासाहेब ठाकरे आणि शिवसेना भवन लष्कर ए तोयबाचे होते टार्गेट : हेडली
