खुल्या बाजारात स्वस्त दरात तूरडाळ विक्री सुरू

ठाणे : सणासुदीच्या काळात शिधापत्रिकेव्यतिरिक्त खुल्या बाजारात नागरिकांना स्वस्त दरात तूरडाळ उपलब्ध करून देण्याचा निर्णय राज्य शासनाने घेतला आहे. त्याचा शुभारंभ डोंबिवलीतील डी मार्टमध्ये अन्न व नागरी पुरवठा राज्यमंत्री रवींद्र चव्हाण यांच्या हस्ते रविवारी करण्यात आला. ही डाळ ९५ रुपये प्रती किलो या भावाने मिळेल तसेच विविध मॉल्समधून देखील विक्रीसाठी ठेवण्यात आल्याचे राज्यमंत्री चव्हाण यांनी यावेळी सांगितले.