या बैठकांना कल्याण, डोंबिवलीमध्ये प्रचंड प्रतिसाद मिळत आहे. संपूर्ण जिल्हा ढवळून निघत असताना ठाणे येथील गडकरी रंगायतनमध्ये २५ सप्टेंबरला निर्धार सभा होणार आहे. यात ठाणे जिल्ह्यातील मोर्चाची दिशा ठरणार असून तारीख जाहीर होणार आहे. या सभेच्या तयारीसाठी शुक्रवारी कल्याण पश्चिमेकडील मराठा समाज हॉलमध्ये मराठा कार्यकर्त्यांची बैठक आयोजित करण्यात आली होती. या बैठकीत २५ तारखेला ठाण्यात बैठक होणार असून या बैठकीला मराठ्यांनी उपस्थित रहावे. या बैठकीत मूकमोर्चाची तारीख जाहीर होणार असून त्याचे नियोजन कसे करायचे त्याबाबत सूचना देण्यात येणार आहेत. तसेच कल्याणमध्ये झालेल्या या बैठकीत ठाणे येथे आयोजित करण्यात येणाऱ्या क्रांती मोर्चासाठी मराठा समाजाने जास्तीत जास्त संख्येने सहभागी होण्यासाठी प्रत्येकाने पुढाकार घ्या, असे आवाहन करण्यात आले आहे.
मराठा क्रांती मोर्चाची कल्याणमध्ये जय्यत तयारी
