आठवड्याच्या सुरूवातीलच हार्बर रेल्वे सेवा विस्कळीत

श्रीकांत पिंगळे : ८०८२०९७७७५
नवी मुंबई : आठवड्याच्या सुरूवातीलच सोमवारी सकाळी हार्बर रेल्वे सेवा विस्कळीत झाल्याने चाकरमान्यांना, विद्यार्थ्यांना याचा मनस्ताप सहन करावा लागला आहे.
सकाळी ६.१५ वाजण्याच्या सुमारास चुनाभट्टी येथे रेल्वे रूळाला तडे गेल्यामुळे चुनाभट्टी ते वाशी रेल्वे सेवा विस्कळीत झाली. सकाळी ६.२५ ते सात वाजेपर्यत सीएसटीकडून वाशीकडे येणारी रेल्वे सेवा पूर्णपणे ठप्प झाली होती. ७.१५ वाजण्याच्या सुमारास रेल्वे सेवा सुरु झाली असली तरी पावणे नऊ वाजेपर्यत रेल्वे सुमारे १५ मिनिटे उशिराने धावत होती. सकाळच्या वेळी रेल्वे सेवा ठप्प झाल्यामुळे विद्यार्थ्यांचे, चाकरमान्यांचे हाल झाले. सुमारे अर्धा तास रेल्वे न मिळाल्यामुळे रेल्वे प्रवाशांना बसेस, टॅक्सीचा आधार घ्यावा लागल्याचे रेल्वे स्थानकाबाहेर पहावयास मिळाले.