सुजित शिंदे : ९६१९१९७४४४
नवी मुंबई :- पेट्रोल चोरीकरिता आलेल्या अज्ञात चोरांनी गॅरेजसमोर उभ्या असलेल्या चार दुचाकींची नासधुस करण्याची घटना सोमवारी रात्री नेरूळ पोलिस ठाण्याच्या हद्दीत शिरवणे येथे घडली आहे.
शिरवणे येथील प्लॉट २३७ व २३८ वर असलेल्या सुंदर स्वरूप इमारतीच्या तळमजल्यावर एका कोपर्यात दुचाकी वाहनांच्या दुरूस्तीचे गॅरेज आहे. या गॅरेज चालकांने सोमवारी रात्री ९ वाजता आपले गॅरेज बंद केल्यावर तो गॅरेज चालक मंगळवारी सकाळी ९ वाजता गॅरेज उघडण्यासाठी आला असता त्याला वरिल प्रकार निदर्शनास आला. कोणीतरी पेट्रोल चोरीच्या उद्देशाने गॅरेज समोर उभ्या असलेल्या चार दुचाकींची दगडाच्या मदतीने नासधुस केल्याचे स्पष्ट झाले. तो दगडही जवळील पथदीपाजवळच आढळून आला. दुचाकीच्या पेट्रोल टाकीवरच दगड मारून टाकी फोडण्याचा प्रयत्न करण्यात आला आहे. याप्रकरणी गॅरेज चालकांने नेरूळ पोलिस ठाण्यात तक्रार दाखल केली असून पोलीस सीसीटीव्हीच्या आधारे या घटनेचा शोध घेत आहेत.
वरिल प्रकार लक्षात आल्यावर संबंधित परिसरातील वाहनचालकांनी शिववाहतुक सेनेचे नवी मुंबई अध्यक्ष दिलीप आमले यांना संपर्क साधून या घटनेची कल्पना दिली. आमले यांनी घटनास्थळी भेट देवून याप्रकरणाचा लवकरात लवकर शोध घेण्याची मागणी केली.
पेट्रोल चोरीकरीता शिरवणेत अज्ञातांकडून चार दुचाकींची नासधुस
