नवी मुंबई :- देशाचे पंतप्रधान नरेंद्र मोदी आणि राज्याचे मुख्यमंत्री देवेन्द्र फडणवीस यांच्या स्वप्नातील स्वच्छ भारत घडविण्यासाठी स्वच्छ भारत अभियान अंतर्गत बेलापूर सीबीडी सेक्टर-3 येथील आमदार सौ. मंदाताई म्हात्रे यांच्या आमदार निधीमधून उभारलेल्या सार्वजनिक स्वच्छतागृहाचे उदघाटन नुकतेच पार पडले.
पंतप्रधान नरेंद्र मोदी यांच्या संकल्पेतून स्वच्छ अभियानांतर्गत असणाऱ्या सार्वजनिक सुलभ स्वच्छतागृहाच्या उदघाटन प्रसंगी स्वच्छता आणि आरोग्य या परस्परपूर्वक बाबी असून स्वच्छ भारत आणि स्वच्छ महाराष्ट्र अभियान माझ्या बेलापूर मतदारसंघात राबविण्याचा मला अभिमान असल्याचे मत आमदार मंदाताई म्हात्रे यांनी यावेळी मांडले. येथील स्थानिक नागरिकांना स्वच्छता गृह उपलब्ध करून दिले असून येथील नागरिकांकडून ओपन जिमची मागणीही करण्यात आली आहे. नागरिकांना लवकरच माझ्या आमदार निधीतून ओपन जिमची व्यवस्था करण्यात येणार असल्याचे आमदार मंदाताई म्हात्रे यांनी सांगितले.
याप्रसंगी आमदार सौ. मंदाताई म्हात्रे यांसमवेत भाजपा महामंत्री डॉ. राजेश पाटील, संतोष पळसकर, दामोदर पिल्ले, राजबळ कुंडूमल, कैलास कोळी,संजय ओबेरॉय, दीपाली घोलप, अलका कामत, रवी ठाकूर, कल्पना शिंदे, आशा बहाडकर, आरती राउळ, रुजान चिलवान, तसेच स्थानिक रहिवाशी उपस्थित होते.
