ज्येष्ठ पत्रकार संदीप खांडगेपाटील यांचा गेली अडीच वर्षे महापालिका मुख्यालय ते मंत्रालय सतत पाठपुरावा
नवी मुंबई : सिडको मालकीच्या केवळ मार्केटसाठीच आरक्षित असलेल्या व नवी मुंबई महापालिकेला हस्तांतरीत न झालेल्या भुखंडावर अनधिकृतरित्या मार्केट उभारणी करून (नंतर ते मार्केट पाडण्यात आले) नवी मुंबई महापालिका प्रशासनाच्या अंदाजे २२ ते २५ लाख रूपयांची धुळधाण करण्यात आली. यास जबाबदार असणाऱ्या महापालिका अधिकाऱ्यांवर कारवाई करून वाया गेलेला निधी वसूल करणेबाबत तसेच पालिका प्रशासनाची दिशाभूल केली म्हणून पालिका प्रशासनाच्या वतीने संबंधित दोषी घटकांवर फौजदारी गुन्हे दाखल करणेविषयी महापालिका प्रशासनाला आदेश देण्याची मागणी नवी मुंबईतील ज्येष्ठ पत्रकार संदीप खांडगेपाटील यांनी विधानसभा अध्यक्ष नाना पटोळे यांच्याकडे एका लेखी निवेदनातून केली आहे.
या विषयाबाबत जून २०१८ ते आजपर्यत या विषयाचा पत्रकार संदीप खांडगेपाटील हे नवी मुंबई महापालिका ते मंत्रालय सतत पाठपुरावा करत असल्याने हा विषय सर्वाचाच तोंडपाठ झाला आहे. करदात्या नवी मुंबईकरांनी आपल्या कराचा भरणा केलेल्या नवी मुंबई महापालिका प्रशासनाच्या तिजोरीतील अंदाजे २२ ते२५ लाख रूपये मातीमोल होवूनही संबंधित नवी मुंबई महापालिका अधिकाऱ्यांवर कारवाई करून संबंधित पैशाची वसूली होत नसल्याने पत्रकार संदीप खांडगेपाटील हे आजही सरकारदरबारी पाठपुरावा करत आहेत. नवी मुंबई महापालिका प्रशासनाकडून संबंधित दोषी अधिकाऱ्यांवर पांघरूण घातले जात असल्याने, पालिकेच्या २२ ते २५ लाखाचा चुराडा होवूनही पैसे वसूलीस व पालिका प्रशासनाची भुखंड हस्तांतरीत न होताही अनधिकृतरित्या मार्केट बांधून पालिकेची फसवणूक करूनही फौजदारी गुन्हा संबंधितांच्या विरोधात दाखल करण्यासटाळाटाळ केली जात असल्याने महाराष्ट्र राज्याचे विधानसभा अध्यक्ष या नात्याने आता आपणास साकडे घालत आहोत. आपणच आता करदात्या नवी मुंबईकरांना न्याय मिळवून द्यावा,अशी मागणी पत्रकार संदीप खांडगेपाटील यांनी निवेदनाच्या सुरूवातीलाच विधानसभा अध्यक्ष नाना पटोळे यांच्याकडे केली आहे.
नेरूळ सेक्टर ६ मध्ये सिडको वसाहतीमधील वरूणा, हिमालय या सिडकोच्या गृहनिर्माण सोसायट्यांच्या मध्यभागी व दत्तगुरू सोसायटीच्या लगत मार्केटसाठीच आरक्षित असलेला भुखंड सिडकोच्या मालकीचा असतानाही व तो मार्केटसाठीच आरक्षित असलेला भुखंड सिडकोने महापालिका प्रशासनाकडे हस्तांतरीत केलेला नसतानाही महापालिका अधिकाऱ्यांनी प्रशासनाची सर्व वस्तूस्थिती माहिती असतानाही जाणिवपूर्वक दिशाभूल केली. मार्केटबाबत ठराव आणला गेला, ठरावाला मंजुरी मिळविली, टेंडर काढले. अंदाजे २२ ते २५ लाख रूपये खर्च करून ते मार्केट बांधण्यातही आले. भुखंड सिडकोचा असताना तत्कालीन शहर अभियंत्यापासून सर्व संबंधित अधिकाऱ्यांनी मनमानीपणा जाणिवपूर्वक करत पालिका प्रशासनाची दिशाभूल केली. मार्केटचे बांधकाम करण्यापूर्वी कागदपत्रांची छाननी झाली नाही का, सिडकोच्या मार्केटसाठीच आरक्षित भुखंडावर भुखंड हस्तांतरीत होण्यापूर्वीच महापालिका प्रशासनाने अंदाजे २२ ते २५ लाख रूपये खर्च करून मार्केट उभारले. मार्केटसाठीच आरक्षित असलेल्या भुखंडाचे सिडकोकडून महापालिकेकडून हस्तांतर होणेपूर्वीच मार्केट बांधल्याने हे मार्केट अनधिकृत ठरले व या अनधिकृत मार्केटवर स्वत:च हातोडा चालविण्याची व मार्केट पाडण्याची नामुष्की शुक्रवार, दि. ८ जून २०१८ रोजी प्रथमच महापालिका प्रशासनावर आली. या अनागोंदी कारभारामुळे महापालिका प्रशासनाचे लाखो रूपयांचे नुकसान झाले असल्याचे पत्रकार संदीप खांडगेपाटील यांनी निवेदनातून विधानसभा अध्यक्ष नाना पटोळे यांच्या निदर्शनास आणून देण्याचा प्रयत्न केला आहे.
हा जाणिवपूर्वक पाण्यात गेलेला निधी हा करदात्या नवी मुंबईकरांच्या घामाचा पैसा आहे. याप्रकरणी मार्केट मंजूर करणारे, महापालिकेच्या स्थायी समिती सभागृहात व महासभेत मंजुरीला प्रस्ताव पाठविणारे तसेच मार्केटसाठी ठेकेदाराला देयक मंजुर करणारे शहर अभियंत्यापासून जे जे महापालिका अधिकारी जबाबदार आहेत, त्या सर्वांवर फौजदारी गुन्हे दाखल करून महापालिकेचा वाया गेलेला निधी त्यांच्या वेतनातून, वेळ पडल्यास पीएफमधील पैसा काढून वसूल करावा. यातील दोषी कोणी अधिकारी सेवानिवृत्त झाले असतील तर त्यांच्या संपत्तीचा लिलाव करून हा निधी महापालिकेच्या तिजोरीत जमा करावा, यासाठी हे निवेदन सादर करत असल्याचे पत्रकार खांडगेपाटील यांनी म्हटले आहे.
नेरूळ सेक्टर सहामध्ये सिडकोच्या जागेवर महापालिकेने बांधलेले मार्केट तोडण्याची नामुष्की महापालिकेवर आली. करदात्या नवी मुंबईकरांचे सुमारे २२ ते २५ लाख पाण्यात गेले. त्यामुळे याप्रकरणी दोषी असलेल्या महापालिका अधिकाऱ्यांवर प्रशासकीय कारवाई करून मार्केटसाठी पाण्यात गेलेला लाखो रूपये खर्च संबंधितांकडून वसूल होणे आवश्यक आहे. या मार्केटकरिता महापालिका प्रशासनाचे अंदाजे २२ ते २५ लाख रूपये खर्च झाले आहेत. हा पैसा सर्वसामान्य करदात्या नवी मुंबईकरांचा आहे. सिडकोकडून भुखंड हस्तांतरीत न होताच त्यावर मार्केट का बांधण्यात आले व त्या जागेवर २२ ते २५ लाख रूपये महापालिका प्रशासनाचे खर्च झाले. ते मार्केट अनधिकृत ठरले व महापालिकेला ते मार्केट पाडावे लागले. महापालिकेच्या ज्या ज्या अधिकाऱ्यांनी हा निर्णय घेवून कार्यवाही केली, त्या सर्व अधिकाऱ्यांवर प्रशासकीय कारवाई करून मार्केटवर झालेला खर्च संबंधितांकडून लवकरात लवकर वसूल करण्यात यावा यासाठी आपण महापालिका प्रशासनाच्या माध्यमातून संबंधित विभागाला आदेश द्यावेत आणि याबाबत महापालिका प्रशासनाने काय कारवाई केली याचा लेखी अहवाल आम्हास प्राप्त करून द्यावा, याबाबत आपण आम्हा नवी मुंबईकरांना न्याय मिळवून द्यावा आणि करदात्या नवी मुंबईकरांचे पाण्यात गेलेले पैसे संबंधितांकडून वसूल करून पालिकेच्या तिजोरीत जमा करण्यासाठी आम्ही करत असलेल्या पाठपुराव्याला न्याय द्यावा अशी मागणी पत्रकार खांडगेपाटील यांनी विधानसभा अध्यक्ष नाना पटोळे यांच्याकडे केली आहे.
