स्वयंम न्युज ब्युरो : Navimumbailive.com@gmail.com
संदीप खांडगेपाटील : ८३६९९२४६४६ – ९८२००९६५७३
नवी मुंबई : प्रजासत्ताक दिनानिमित्त प्रभाग ९३ मध्ये विविध नागरी कामांचा शुभारंभ करण्यात आला. माजी सिडको संचालक व शिवसेनेचे माजी ज्येष्ठ नगरसेवक नामदेव भगत यांनी या नागरी कामांसाठी महापालिका प्रशासनाकडे पाठपुरावा केला होता.
प्रभाग क्र ९३ येथील नेरूळ सेक्टर २० नेरुळ पश्चिमच्या रेल्वे स्टेशन समोरील अमृतासदन ते गुडविल सोसायटी पर्यंत रस्त्याची सुधारणा करणे (अंदाजपत्रकीय रक्कम ४९,२०,६६१ रूपये) व प्रभाग क्र ९३ येथील व्हिला अपार्टमेंट ते शिवतेज छाया अपार्टमेंट येथील गटर व रस्त्याची सुधारणा करणे (अंदाजपत्रकीय रक्कम १८,१९,४५५ रूपये) या नागरी कामांचा शुभारंभ माजी नगरसेवक नामदेव रामा भगत व माजी नगरसेविका सौ. इंदुमती नामदेव भगत यांच्या हस्ते करण्यात आले. सदर उदघाटनाच्या वेळी शिवसेना उपशहरप्रमुख किशोर हिराजी पाटील, समाजसेवक संजय मधुकर ठाकूर, राजेंद्र रामा भगत व प्रभाग क्र ९३ /९५ मधील ए व बी ब्लॉक मधील नागरिक व नेरुळ गावातील ज्येष्ठ नागरिक मोठ्या प्रमाणात उपस्थित होते.
