नवी मुंबई : बेलापुरच्या भाजपा आमदार सौ. मंदाताई म्हात्रे यांच्या हस्ते सानपाडा, प्र्रभाग 76 मध्ये गरीब व गरजू लोकांना गुरूवार, दि. 17 जुन रोजी मोफत धान्याचे वाटप केले जाणार आहे. सानपाडा नोडमधील भाजपचे युवा नेते पांडुरंग आमले यांनी या कार्यक्रमाचे आयोजन केले आहे.
सानपाडा रेल्वे स्टेशनजवळील सेक्टर 3 येथील बधाई स्वीट्समोर, कानिफनाथ ज्युस सेंटरच्या बाजूला असलेल्या पांडुरंग आमले यांच्या भाजपा जनसंपर्क कार्यालयात हा मोफत धान्य वाटपाचा कार्यक्रम आयोजित करण्यात आला असून दुपारी 12.30 वाजता या कार्यक्रमाला सुरूवात होणार असल्याची माहिती पांडुरंग आमले यांनी दिली. साईभक्त सेवा मंडळ, साईभक्त महिला फांऊडेशन, साईभक्त युवा मंच हे या कार्यक्रमाचे संयोजक असून प्रभाग 76 मधील प्रत्येक गृहनिर्माण सोसायटीत जावून पांडुरंग आमले यांनी गरजू लोकांची माहिती संकलन केली आहे. सोसायटीच्या पदाधिकाऱ्यांच्या माध्यमातून यादी संकलन केली आहे.
