नवी मुंबई : ऐरोलीचे प्रथम आमदार संदीप नाईक यांच्या वाढदिवसानिमित्त बुधवारी (दि. ४ ऑगस्ट) समाजसेवक गणेश भगत व भाजपच्या माजी नगरसेविका सौ. रूपाली किस्मत भगत यांच्या माध्यमातून वृक्षारोपण करण्यात आले व अनाथ मुलांना शैक्षणिक साहीत्यासह खाऊचे वाटप करण्यात आले.नेरूळ सेक्टर २४ येथील महापालिकेच्या बामणदेव-झोटींगदेव मैदानाच्या सभोवताली वृक्षारोपण करण्यात आले व त्यानंतर नेरूळ सेक्टर १६ ए मधील जीवन ज्योती आशालय आश्रमामधील मुलांना शैक्षणिक साहीत्यासह बिस्किट, चॉकलेटसह खाऊचे वाटप करण्यात आले. यावेळी समाजसेवक गणेश भगत यांच्यासह सागर मोहिते, अशोक गांडाळ, राकेश तांडेल, राजेश घाडी, जयेंद्र नागरजी, अजय खंबे, मंगेश कदम, रविंद्र भगत उपस्थित होते.
