नवी मुंबई : महाराष्ट्राच्या राजकारणात सरकार पडझडीचे एकीकडे जोरदार पर्व सुरू असतानाच दुसरीकडे नेरूळ ब्लॉक कॉंग्रेसचे अध्यक्ष रविंद्र सावंत यांनी जुईनगरमधील सामाजिक कार्यकर्त्यांचा महाराष्ट्र प्रदेश कॉग्रेस नाना पटोले यांच्या नेतृत्वाखाली कॉंग्रेस प्रवेश करून घेतला.
नवी मुंबई महापालिकेच्या सार्वत्रिक निवडणूका तोंडावर आल्या असताना नेरूळ-जुईनगर नोडमध्ये गेल्या काही महिन्यापासून कॉंग्रेस नेते रविंद्र सावंत यांनी संघटना बांधणीचे जोरदार कार्य सुरु केले आहे. वॉर्ड अध्यक्ष नियुक्तीपासून तालुका पातळीपर्यत पदाधिकाऱ्यांच्या नियुक्त्या केल्या आहेत. वेळ पडल्यास स्वबळावर ‘एकला चलो रे’च्या भूमिकेतून स्वतंत्रपणे निवडणूका लढवाव्या लागल्या तर कॉंग्रेस पक्षाची अडचण होवू नये म्हणून रविंद्र सावंत यांनी संघटना वाढविण्यावर व संघटना बांधणीवर जोर दिला आहे. राजकीय पक्षामध्ये पडझडीचे पर्व सुरु असल्याने महाराष्ट्राच्या राजकारणात खळबळ उडाली असतानाच नाना पटोले यांच्या बंगल्यावर झालेल्या छोटेखानी कार्यक्रमात नवी मुंबईतील कॉंग्रेसचे नेते तसेच कामगार नेते रविंद्र सावंत यांनी जुईनगरमधील आबा सोनवणे, सुनील पगारे, महानंदा रामराजे, अण्णा नलावडे, भगवान डोळस, विजय जाधव, अजित घोडके व इतर सामाजिक कार्यकर्त्यांचा यांनी प्रदेश अध्यक्ष नाना पटोले यांच्या हस्ते पक्षात प्रवेश करवून घेतला.
नेरूळ ब्लॉक कॉंग्रेसमध्ये जोरदार ‘इनकमिंग’
