संपादक : सौ. सुवर्णा खांडगेपाटील : Navimumbailive.com@gmail.com
नवी मुंबई : जुईनगर सेक्टर २३ मधील रस्त्यावरील खड्डे तातडीने बुजविण्याची लेखी मागणी नवी मुंबई जिल्हा कॉंग्रेसच्या सचिव श्रीमती विद्या भांडेकर यांनी महापालिका आयुक्त व पालिका नेरूळ विभाग अधिकारी यांच्याकडे एका निवेदनातून केली आहे.
जुईनगर सेक्टर २३ मधील एकीकडे सिडकोच्या तिरंगा, भारत या गृहनिर्माण सोसायट्या व दुसऱ्या बाजूला स्वामी समर्थांचा मठ असा नर्सरी ते रेल्वे वसाहत हा अंर्तगत भागातील रस्ता आहे. या रस्त्यावर ठिकठिकाणी खड्डे पडले असून वाहनचालकांना येथून वाहने घेवून जाताना तारेवरची कसरत करावी लागत आहे. स्थानिक रहीवाशांना विशेषत : ज्येष्ठ नागरिक व महिलांनाही येथून ये-जा करताना त्रास होत आहे. दोनच दिवसापूर्वी या खड्ड्यामुळे महिला रस्त्यावरुन चालताना पडली होती. त्यांना किरकोळ दुखापतीही झाल्या. रस्त्यावरील खड्यामुळे स्थानिक रहीवाशी व वाहनचालक त्रस्त झाले आहे. या समस्येवर कायमस्वरुपी तोडगा काढून संबंधितांना लवकरात लवकर रस्त्यावर तोडगा काढण्याचे निर्देश द्देण्याची मागणी विद्या भांडेकर यांनी पालिका प्रशासनाकडे केली आहे.
