नवी मुंबई : नेरूळ सेक्टर सहा परिसरातील अंर्तगत रस्त्यावर असणाऱ्या मल:निस्सारण वाहिन्या तातडीने बदली करण्याचे संबंधितांना निर्देश देण्याची लेखी मागणी शिवसेनेचे महादेव पवार यांनी महापालिका आयुक्त कैलाश शिंदे यांच्याकडे एका निवेदनातून केली आहे.
नेरूळ सेक्टर सहा परिसरात रस्त्यावर असणाऱ्या मल:निस्सारण वाहिन्याची समस्या गेल्या काही वर्षात गंभीर झालेली आहे. रस्त्यावर असणाऱ्या मल:निस्सारण वाहिनी चोकअप होत असल्याने सिडको सोसायटीतील रहिवाशांना त्रास सहन करावा लागत आहे. रस्त्यावरील मुख्य मल:निस्सारण वाहिन्या चोकअप सिडको सोसायटीमध्ये असणाऱ्या मल:निस्सारण वाहिन्यातील दूषित मलमिश्रीत सांडपाणी सोसायटी आवारात पसरते. स्थानिक रहिवाशांना या सांडपाण्यातून ये-जा करावी लागते. दुर्गधीचा सामना करावा लागत असल्याने आजाराचाही सामना करावा लागतो. रस्त्यावरील मल:निस्सारण वाहिन्यांचा चोकअप काढण्यासाठी सतत पालिका प्रशासनाकडून वाहने बोलवावी लागतात. त्यांना फोन करुन पाठपुरावा करावा लागतो. समस्या निवारणासाठी पाठपुरावा आम्ही सतत करायचा व इतरांनी फोटोसेशन करुन श्रेय लाटायचे हा गलिच्छ प्रकार नेहमीच होत आहे. आम्हाला श्रेयाशी देणेघेणे नसून केवळ चोकअप काढून रहिवाशांना दिलासा देणे हे आमचे ध्येय आहे. रस्त्यावर असणाऱ्या मुख्य मल:निस्सारण वाहिनीच्या चोकअपची समस्या कायमस्वरुपी काढण्यासाठी सेक्टर सहामधील अंर्तगत भागात रस्त्यावर असणाऱ्या मल:निस्सारण वाहिन्या बदली करुन नव्या टाकण्याचे संबंधितांना निर्देश देवून समस्येचे कायमस्वरूपी निवारण करावे व स्थानिक परिसरातील रहिवाशांना दिलासा देण्याची मागणी महादेव पवार यांनी केली आहे.
