सानपाड्यात १७ मे ला विराट हिंदू संमेलन

नवी मुंबई : हिंदू धर्माची गौरवशाली परंपरा जपण्यासाठी, समाजात ऐक्य-जागरुकता, संघटन निर्माण करण्यासाठी सानपाडा सकल हिंदू समाजाकडून येथे रविवार, दि. १७ मे रोजी विराट हिंदू संमेलनाचे आयोजन करण्यात आले आहे.
रविवारी सांयकाळी ६.३० ते ९ या वेळेत विवेकानंद केंद्र नवी मुंबईच्या संयोजिका सौ. डॉ. वंदना महाजनी, बजरंग दलाचे नवी मुंबई संयोजक शंकर सकपाळ हे या विराट हिंदू संमेलनात वक्ते म्हणून उपस्थितांना मार्गदर्शन करणार आहेत. सानपाडा सेक्टर ७, ८ मधील गणेश मंदीर वस्ती, सानपाडा, संत गाडगेबाबा खेळाचे मैदान येथे या विराट हिंदू संमेलनाचे आयोजन करण्यात आले आहे. या संमेलनात हिंदूत्व व देशभक्तीपर गीते सादर केली जाणार आहेत. बालकांसाठी राष्ट्रपुरुष वेशभूषा स्पर्धा, भारत माता पूजन, स्थानिक समस्या आणि चिंतन, हिंदुत्व संघठन-समय की मॉग आदी कार्यक्रम या संमेलनात होणार आहेत. नवी मुंबईतील हिंदूंनी मोठ्या संख्येने या संमेलनात सहभागी व्हावे, असे आवाहन सकल हिंदू समाजाच्या वतीने पांडुरंग आमले यांनी केले आहे.