अनंतकुमार गवई : Navimumbailive.com@gmail.com
नवी मुंबई : नवी मुंबई महानगरपालिका परिवहन सेवेच्या बससेवेमध्ये ६० वर्षांवरील ज्येष्ठ नागरिकांना अर्ध्या दरामध्ये तिकिट आकारण्यात यावे, अशी मागणी नेरूळ पश्चिममधील शिवसैनिक महादेव पवार यांनी महापालिका आयुक्त डॉ. कैलास शिंदे तसेच एनएमएमटी महाव्यवस्थापकांकडे निवेदनाद्वारे केली आहे.
वाढत्या महागाईमुळे आणि मर्यादित उत्पन्नामुळे अनेक ज्येष्ठ नागरिकांना प्रवास खर्चाचा आर्थिक भार सहन करावा लागत आहे. ठाणे महानगरपालिका परिवहन सेवेमध्ये ६० वर्षांवरील ज्येष्ठ नागरिकांना मोफत प्रवासाची सुविधा उपलब्ध असून, त्याच धर्तीवर नवी मुंबईत किमान अर्ध्या तिकिटाची सवलत देण्यात यावी, अशी मागणी शिवसैनिक महादेव पवार यांच्याकडून करण्यात आली आहे.
या सवलतीमुळे ज्येष्ठ नागरिकांचे सामाजिक, आरोग्यविषयक तसेच दैनंदिन प्रवास अधिक सुलभ होईल. त्यामुळे नवी मुंबई महापालिकेचे आयुक्त कैलास शिंदे व एनएमएमटी प्रशासनाने या मागणीचा सकारात्मक विचार करून लवकरात लवकर निर्णय घ्यावा, असे महादेव पवार यांनी निवेदनात नमूद केले आहे.
