लहान मुलांमध्ये शिवकालीन इतिहासाची आवड निर्माण करण्यासाठी अनोखा उपक्रम
नेरूळ–सीवूड्स प्रभाग २३ व २४ पुरती स्पर्धा मर्यादित
जीवन गव्हाणे : Navimumbailive.com@gmail.com
नवी मुंबई : छत्रपती शिवाजी महाराजांच्या स्वराज्याच्या लढ्यात मोलाची भूमिका बजावणारे गड–किल्ले हा महाराष्ट्राचा गौरवशाली ऐतिहासिक वारसा आहे. या ऐतिहासिक वारशाची ओळख नव्या पिढीला व्हावी, तसेच लहान मुलांमध्ये गड–किल्ल्यांविषयी आवड, इतिहासाची जाण आणि सर्जनशीलता निर्माण व्हावी, या उद्देशाने मैत्री फाउंडेशन नवी मुंबई (रजि.) यांच्या वतीने दरवर्षीप्रमाणे यंदाही भव्य गड–किल्ले बांधणी स्पर्धेचे आयोजन करण्यात आले आहे.
या स्पर्धेत सहभागी होऊन मुलांनी आपल्या कल्पकतेतून ऐतिहासिक गड–किल्ल्यांच्या प्रतिकृती साकाराव्यात आणि महाराष्ट्राच्या शौर्यशाली इतिहासाचा वारसा जपावा, असे आवाहन आयोजकांनी केले आहे. ही स्पर्धा नेरूळ आणि सीवूड्स परिसरातील प्रभाग क्रमांक २३ व २४ पुरती मर्यादित आहे.
अक्षय लक्ष्मण काळे, संस्थापक – मैत्री फाउंडेशन नवी मुंबईचे संस्थापक अक्षय काळे हे या स्पर्धेचे आयोजक असून स्पर्धेत सहभागी होण्यासाठी गोपीनाथ काळे ८४२२०२४२७६, विशाल जाधव – ९९६७९३९९६५ यांच्याशी संपर्क साधावा.
