नवी मुंबई : नवी मुंबईचे शिल्पकार लोकनेते गणेश नाईक व माजी महापौर सागर नाईक यांच्या वाढदिवसाचे औचित्य साधून राष्ट्रवादी कॉंगे्रस पक्ष प्रभाग ८५ व ८६च्या वतीने परिसरातील नागरिकांकरता मोफत आधार कार्ड सप्ताहाचे आयोजन करण्यात आले आहे.
१० सप्टेंबर ते १६ सप्टेंबर या कालावधीत कुकशेत गावातील महापालिका शाळेमध्ये सकाळी ९ ते सांयकाळी ६ या वेळेमध्ये आधार कार्ड सप्ताह राबविण्यात येणार असून महापालिकेतील स्वीकृत नगरसेवक व राष्ट्रवादी युवक कॉंग्रेसचे नवी मुंबई जिल्हाध्यक्ष सुरज पाटील हे या आधार कार्ड सप्ताहाचे आयोजक आहेत.
कुकशेत गाव, सारसोळे गाव आणि नेरूळ सेक्टर सहा परिसरातील जे नागरिक, महिला, मुले-मुली आजही आधार कार्डपासून वंचित असतील त्यांनी या सप्ताहामध्ये आपले आधार कार्ड काढून घ्यावे असे आवाहन प्रभाग ८५च्या नगरसेविका सौ. सुजाता पाटील यांनी केले आहे.
राष्ट्रवादी कॉंग्रेसकडून कुकशेतच्या शाळेत मोफत आधार कार्ड सप्ताहाचे आयोजन
