नवी दिल्ली : बिहार विधानसभा निवडणुकीत भारतीय जनता पक्षाने (भाजप) उमेदवारांकडून पैसे घेऊन त्यांना उमेदवारी दिल्याचा खळबळजनक आरोप भाजपचेच खासदार आर. के. सिंह यांनी केला आहे.
बिहारमध्ये पुढील महिन्यापासून पाच टप्प्यांत विधानसभा निवडणुका होणार आहेत. भाजप विरुद्ध महाआघाडी असे चित्र बिहार विधानसभा निवडणुकीत असताना आता भाजप खासदारानेच पक्षाला घरचा आहेर दिला आहे. बिहारमध्ये प्रचाराची रणधुमाळी दिवसेंदिवस वाढत असताना आता पक्षातूनच टीका होण्यास सुरवात झाली आहे.
आर. के. सिंह म्हणाले, की भाजपने पैसे घेऊन अशा उमेदवारांना तिकीट दिल्यास, लालूप्रसाद आणि भाजपमध्ये फरक काय आहे. भाजपमधील प्रसिद्ध व काम करणार्‍या आमदारांना उमेदवारी नाकारून, गुन्हेगारी पार्श्वभूमी असणार्‍यांना उमेदवारी देण्यात आली आहे. यामुळे पक्षातील कार्यकर्त्यांवर परिणाम झाला आहे. भाजपचे वरिष्ठ नेते सुशील मोदी दूरध्वनींना प्रतिसाद देत नाहीत.
भाजपने पैसे घेऊन उमेदवारी दिली-भाजप खासदार
