सोमनाथ भारतींचा जामीन अर्ज फेटाळला

नवी दिल्ली : कौटुंबिक हिंसाचाराचा आरोप असलेले आम आदमी पक्षाचे आमदार सोमनाथ भारती यांचा जामीन अर्ज सोमवारी सर्वोच्च न्यायालयाने फेटाळून लावला.
भारती यांच्या पत्नी लिपिका मित्रा यांनी त्यांच्याविरुद्ध कौटुंबिक हिंसाचाराचा गुन्हा दाखल केला आहे. भारती यांचा अटकपूर्व जामीन अर्ज दिल्ली उच्च न्यायालयाने फेटाळून लावला होता. त्यानंतर त्यांनी सर्वोच्च न्यायालयात अर्ज केला होता.
या अर्जावर सोमवारी सुनावणी झाली असता लिपिका यांनी मध्यस्थता नाकारल्याने न्यायालयाने अर्ज फेटाळून लावला. तसेच याप्रकरणी आता भारती यांना ट्रायल कोर्टात जाण्याचे निर्देश मुख्य न्यायमूर्ती एच. एल. दत्तु यांनी दिले आहेत.