पालघर : तुमचे पत्र, पासपोर्ट किवा क्रेडीट कार्ड जर पोस्टाने येणार असेल तर ते आता विसरा. कारण वसईतल्या पोस्टातील पत्रे भंगारात विकल्याचा धक्कादायक प्रकार समोर आला आहे. मनसेच्या पदाधिकार्यांनी हा प्रकार उघडकीस आणला आहे. अनेक दिवसांपासून आपली पत्र घरी येत नसल्याच्या तक्रारी येत होत्या. मनसे पदाधिकार्यांनी पत्रे भंगारवाल्याकडून रंगेहात पकडली.
वसईच्या गौराई पाडा परिसरातल्या औद्योगिक वसाहतीच्या पोस्टात हा धक्कादायक प्रकार घडला आहे. यात हजारोहून अधिक पत्रे असून कुणाची बँकेची पत्र, क्रेडीट कार्ड, डेबिट कार्ड, नोकरीसाठीची कॉल लेटर देखील आहेत. ही सर्व पत्रे भंगारात विकली जाणार होती. मात्र या कोणत्याही पत्रावर पोस्टाचा शिक्का नव्हता. विनोद कुमार या खाजगी इसमाने ही पत्रे भंगारवाल्याला दिली मात्र तो फरार आहे. गेल्या अनेक दिवसांपासून लोकांना घरी पत्रे मिळत नव्हती. संतप्त मनसे पदाधिकार्यांनी पोस्टातील कर्मचार्यांना बाहेर काढून पोस्ट ऑफिस बंद केले.
मनसेमुळे उजेडात आली, पोस्टातील पत्रे भंगारात सापडली
