नेरूळ सेक्टर सहा परिसरात विठ्ठल दर्शन सोहळा

सुजित शिंदे : 9619197444
नवी मुंबई : आषाढी एकादशीनिमित्त राष्ट्रवादी काँग्रेस प्रभाग 85 आणि 86च्या संयुक्त विद्यमाने मंगळवार, दि. 4 जुलै रोजी नेरूळ सेक्टर सहा परिसरात विठ्ठल दर्शन सोहळ्याचे आयोजन करण्यात आले आहे.
नेरूळ सेक्टर 6 मधील जय दुर्गामाता भाजी मंडई मैदानावर हा विठ्ठल दर्शन सोहळा आयोजित करण्यात आला असून यानिमित्ताने सकाळी 7 वाजता श्री. पाडूंरंगाच्या मुर्तीची विधिवत पुजा व अभिषेक, सकाळी 8 ते रात्री 10 वाजेपर्यत दर्शन सोहळा व फराळ वाटप आणि सांयकाळी 6 ते रात्री 10 या वेळेत सुमधुर भजनांचा समावेश असणार्‍या संगीत संध्या कार्यक्रमाचे आयोजन करण्यात आले आहे.
या कार्यक्रमास ठाणे जिल्ह्याचे पालकमंत्री व नवी मुंबईचे शिल्पकार लोकनेते गणेश नाईक, माजी खासदार डॉ. संजीव नाईक, ऐरोलीचे आमदार संदीपजी नाईक, महापौर सुधाकर सोनवणे, माजी महापौर सागर नाईक उपस्थित राहणार असल्याची माहिती कार्यक्रमाच्या संयोजक व राष्ट्रवादी काँग्रेसच्या प्रभाग 85 मधील नगरसेविका सौ. सुजाताताई सुरज पाटील यांनी दिली.
राष्ट्रवादी युवक काँग्रेसचे नवी मुंबई जिल्हाध्यक्ष सुरज पाटील, प्रभाग 86च्या राष्ट्रवादी काँग्रेसच्या नगरसेविका सौ. जयश्री एकनाथ ठाकूर या कार्यक्रमाचे संयोजक आहे.
अनेक भाविकांना इच्छा असून कामाच्या व्यापामुळे आषाढी एकादशीच्या पवित्र दिवशी पंढरपुरात जावून विठूरायाचे दर्शन घेणे शक्य होत नाही. त्यामुळे आषाढी एकादशीनिमित्त त्यांना त्यांच्या परिसरातच विठ्ठलाचे दर्शन व्हावे या हेतूने या विठ्ठल दर्शन कार्यक्रमाचे आयोजन करण्यात आले असल्याचे नगरसेविका सौ. सुजाताताई सुरज पाटील यांनी सांगितले.
हा कार्यक्रम यशस्वी करण्यासाठी प्रभाग 86चे राष्ट्रवादी काँग्रेसचे अध्यक्ष यशवंत तांडेल, युवक अध्यक्ष पद्माकर मेहेर, प्रभाग अध्यक्ष सेक्टर सहा महादेवराव पवार, प्रभाग 85चे प्रभाग अध्यक्ष तुकाराम टाव्हरेसर, प्रभाग 85च्या महिला अध्यक्षा सौ. संजीवनी कुंभार, समाजसेवक विरेंद्र लगाडे, मनोज मेहेर यांच्यासह राष्ट्रवादी काँग्रेसचे पदाधिकारी व महिला कार्यकर्त्या परिश्रम घेत आहेत.