मुंबई / प्रतिनिधी
गौरी गणपती सणाला कोकणच्या स्वारीसाठी राज्य परिवहन महामंडळाकडून अतिरिक्त विशेष गाड्या सोडण्यात आल्या आहेत. कुर्ला नेहरू नगर आणि मानखुर्द जकात नाका येथे राज्य परिवहन महामंडळाच्या विशेष गाड्या कोकण वासीयांच्या सेवेसासाठी दाखल झाल्या आहेत . मात्र बाहेरून आलेल्या एसटी कर्मचारी, चालक व वाहक यांच्यासाठी या स्थानकावर कोणत्याही प्रकारची सेवा, जेवण, झोपणे व शौचालयांची व्यवस्था नसल्याने कर्मचारीनी संतापून कामबंद आंदोलन केले. काल रात्री कुर्ला नेहरू नगर येथे तर सकाळी मानखुर्द जकात नाका येथे कर्मचारीनी आंदोलन केले. यावेळी कर्मचारीनी एकही बस बाहेर जाऊ दिली नाही. दरम्यान पोलीस आणि एसटी अधिकार्यांनी तात्काळ घटनास्थळी पोहोचत कर्मचारीची समजूत घातली. या नंतर कर्मचारी कामावर रुजू झाले.
सुविधा नसल्याने एसटी कर्मचार्यांनी केले कामबंद आंदोलन
