दिपक देशमुख
नवी मुंबई : नवी मुंबई महानगरपालिकेच्या वतीने सन्मा.महापौर यांचे नावाने विविध क्रीडा व सांस्कृतिक स्पर्धांचे आयोजन करुन खेळांना व खेळाडूंना प्रोत्साहन देण्याचे सदैव प्रयत्न राहिलेला आहे. पुर्वीपासुन आयोजण्यात येत असलेल्या विविध क्रीडा स्पर्धांमध्ये नवी मुंबई महापौर चषक 40+ क्रिकेट स्पर्धेचे आयोजन दि. 24 व 25 फेब्रुवारी 2018 रोजी नवी मुंबई स्पोर्टस असोसिएशन, वाशी, सेक्टर-1ए येथील मैदानावर करण्यात येत आहे. या स्पर्धेमध्ये 40 वर्षावरील वयोगटाचे नवी मुंबईतील 32 गावांचे 30 संघ व तसेच शहरी विभागाचे 14 संघ सहभागी होणार आहेत.
या स्पर्धेतील विजयी व उपविजयी संघास आकर्षक चषक तसेच स्पर्धेतील उत्कृष्ट फलंदाज, उत्कृष्ट गोलंदाज व उत्कृष्ट क्षेत्ररक्षक यांना स्मृतीचिन्ह देवून गौरविण्यात येणार असल्याचे क्रीडा व सांस्कृतिक कार्यक्रम समितीचे सभापती श्री.विशाल डोळस, यांनी सांगितलेले आहे.
तरी या स्पर्धेत जास्तीत जास्त संघांनी सहभागी होवून आपल्या खेळाचे प्रदर्शन करावे व क्रीडा प्रेमींनी सदर सामन्यांस उपस्थित राहून स्पर्धेची शोभा वाढवावी असे अवाहन सन्मा. महापौर श्री. जयवंत सुतार यांनी केलेले आहे.
