निखिल मांडवेच्या वाढदिवसानिमित्त ‘चला उद्योजक घडवूया’

सुजित शिंदे
नवी मुंबई : युवा सेनेचे बेलापुर विधानसभा उपयुवा अधिकारी निखिल रतन मांडवे यांच्या वाढदिवसानिमित्त नेरूळ सेक्टर आठमधील रविवार, दि. १५ जुलै रोजी ‘चला उद्योजक घडवूया’ या अभिनव कार्यक्रमाचे आयोजन करण्यात आले आहे.
कै. अण्णासाहेब पाटील आर्थिक विकास महामंडळ या योजनतेून तरूणाईला अत्यल्प दरात कशा प्रकारे कर्ज उपलब्ध होते याबाबतचे मार्गदर्शन ‘चला उद्योजक घडवूया’ या अभियानातून सकाळी ११ ते दुपारी ३ या वेळेमध्ये केले जाणार आहे. सेक्टर ८ मधील महापालिकेच्या राजर्षी छत्रपती शाहू महाराज उद्यानात सकाळी १० वाजता वृक्षारोपणाचाही कार्यक्रम आयोजित करण्यात आला आहे. स्थानिक जनतेने या कार्यक्रमात सहभागी होण्याचे आवाहन स्थानिक शिवसेना शाखा व युवासेनेकडून करण्यात आले आहे.