योगेश शेटे मनसेच्या सानपाडा पामबीच विभागाचे अध्यक्ष, मनसेला सानपाड्यात मिळणार बळकटी
सुजित शिंदे : ९६१९१९७४४४ : navimumbailive.com@gmail.com
नवी मुंबई : सानपाड्यातील मनसेची मुलुखमैदानी तोफ म्हणून ओळखल्या जाणाऱ्या योगेश शेटे या मनसैनिकाला उशिरा का होईना, न्याय मिळाला असून मनसेचे नवी मुंबई अध्यक्ष गजानन काळे यांनी योगेश शेटे यांची मनसेच्या सानपाडा-पामबीच विभाग अध्यक्षपदी नियुक्ती केली आहे.
मनसेसुप्रिमो राज ठाकरेंवर असलेल्या प्रेमापायी मनसेच्या स्थापनेपासून मनसेमध्ये मनसैनिक म्हणून योगेश शेटे कार्यरत आहेत. सानपाडा परिसरात मनसे वाढविण्यात योगेश शेटे यांचा सिंहाचा वाटा असून मनसेची बांधणी करताना त्यांनी अनेक रथी-महारथींना चपराकही दिलेली आहे. मनसेच्या अनेक आंदोलनात त्यांचे सक्रिय योगदान आहे. योगेश शेटेंना युवकांचा मोठ्या प्रमाणावर पाठिंबा असून सानपाडा परिसरातील समस्या सोडविण्यात योगेश शेटेंचा पुढाकार राहीलेला आहे. ऐन निवडणूक काळात योगेश शेटेंना विभाग अध्यक्षपदाची धुरा मनसेने सोपविली असून सानपाडा विभागात योगेश शेटेंच्या नेतृत्वाखाली मनसेला चांगले मतदान होण्याची शक्यता वर्तविण्यात येत आहे.
