स्वयंम पी.आर. एजंन्सी
नवी मुंबई : नेरूळ पश्चिमेला सातत्याने सामाजिक कार्यात आघाडीवर असणाऱ्या भाजपच्या गणेशदादा भगत यांनी प्रभाग ९६ मधील रहीवाशांसाठी ‘कार्यालयात संपर्क करा व मोफत फवारणी करून घ्या’ हा उपक्रम प्रभाग ९६च्या भाजप नगरसेविका सौ. रूपाली किसमत भगत यांच्या माध्यमातून सुरू केला आहे. या उपक्रमामुळे गणेशदादा भगत यांच्या नि:स्वार्थी सामाजिक कार्याची सर्वत्र चर्चा होवू लागली आहे.
कोरोनाच्या पार्श्वभूमीवर सर्वप्रथम गणेशदादा भगत आणि नगरसेविका सौ. रूपाली किसमत भगत यांनी विभागातील रहीवाशांना मास्कचे वाटप केले. पालिकेच्या वतीने प्रभागात जंतुनाशक फवारणी होत असताना फवारणी वाहनांसोबत गणेशदादा भगत यांनी रस्त्यावर पायी फिरून संपूर्ण प्रभागात वाहनचालकाला दाखवित फवारणी करून घेतली. गणेशदादा भगत यांनी स्वखर्चाने जंतुनाशक फवारणी मशिन्स खरेदी केली असून त्यांनी कोणत्याही गृहनिर्माण सोसायटीला पुन्हा जंतुनाशक फवारणी करावयाची असल्यास कार्यालयात संपर्क साधा व मोफत फवारणी करून घ्या हा उपक्रम सुरू केला आहे. त्यासाठी त्यांनी आपल्या चार कार्यकर्त्यांचे भ्रमणध्वनी क्रमांक सोशल मिडियावर तसेच प्रभागातील सर्व सोसायट्यांना कळवून कोणाला कार्यालयात संपर्क साधता न आल्यास या चार क्रमांकाच्या व्हॉटस अप क्रमाकांवरही संपर्क साधल्यास रहीवाशांचे फवारणीचे काम होईल असे सांगताना या फवारणीचा लाभ अधिकाधिक रहीवाशांनी घ्यावा, असे आवाहन भाजपच्या गणेशदादा भगत यांनी केले आहे.
