नवी मुंबई : ‘आपला प्रभाग, आपली जबाबदारी’, जनसेवा हीच ईश्वरसेवा, एक हात मदतीचा या ब्रीद वाक्यास अनुसरून शिवसेनेचे नवी मुंबई शहरप्रमुख विजय माने व शिवसेना नगरसेवक काशिनाथ पवार यांच्या संयुक्त विद्यमाने नेरूळ पश्चिमला प्रभाग ९६ व ९७ मध्ये नागरिकांच्या मागणीनुसार कोरोनाच्या पार्श्वभूमीवर शुक्रवार, दि. ३ एप्रिलपासून विविध लोकोपयोगी उपक्रम राबविले जाणार आहेत.
नागरिकांच्या आग्रहास्तव या दोन्ही प्रभागात शिवसेनेच्या वतीने धूरफवारणी केली जाणार आहे. ज्या ज्या सोसायटीतील रहीवाशी मागणी करतील, त्या त्या सोसायटीच्या प्रवेशद्वारावर जावून रहीवाशांना मोफत मास्क व मोफत सॅनिटायझर वाटले जाणार आहेत. याशिवाय दररोज २०० गोरगरीब लोकांना मोफत अन्न दिले जाणार आहे. धूरफवारणी, मोफत मॉस्क व मोफत सॅनिटायझर करीता रहीवाशांनी शिवसेनेचे नवी मुंबई शहरप्रमुख विजय माने ९८२०१२४०३८ तसेच शिवसेना नगरसेवक काशिनाथ पवार ९८२०२८९६१९ या क्रमाकांवर संपर्क साधावा असे आवाहन शिवसेना शाखा क्रमांक ९६ व ९७ कडून करण्यात आले आहे.
