नवी मुंबई : नेरूळ सेक्टर २८ मध्ये गृहनिर्माण सोसायटीमध्ये घुसलेल्या नागाला सर्पमित्रांनी पकडून पामबीचलगतच्या जंगलात सोडून दिल्याची घटना शुक्रवारी सकाळी ११.३० वाजण्याच्या सुमारास घडली.
शुक्रवारी सकाळी नेरुळ सेक्टर २८ मधील अनमोल हीरा सोसायटीमध्ये नाग घुसल्याची माहिती सोसायटीचे अध्यक्ष रमेश धुरी व पदाधिकारी कैलास गायकवाड यांनी भाजपच्या गणेश भगत यांना दिली. गणेश भगत यांनी सर्पमित्र तनय जुवेकर यांना बोलवून सोसायटी मध्ये असलेल्या नागाला व्यवस्थितरित्या पकड़ले आणि जंगलात सोडायला घेवून गेले. सोसायटी पदाधिकारी वर्गाने गणेश भगत आणि सर्पमित्र तनय जुवेकर यांचे विशेष आभार मानले.
