Navimumbailive.com@gmail.com : ९८२००९६५७३

नवी मुंबई : नवी मुंबई महापालिका क्षेत्रात कोरोनाबाधितांची संख्या ३७ हजारांच्या पुढे गेली आहे. शहरात आजपर्यंत एकूण ७५४ रुग्णांचा कोरोनामुळे मृत्यू झाला आहे. तर दुसरीकडे शहरात करोनामुक्तीचा दर ८८ टक्के झाला आहे. शहरात  एकूण ३७ हजार ०५६ करोनाबधित झाले आहेत.आज शहरात ३८३ नवे कोरोनाबधित रुग्ण आढळले आहेत.

या ३८३ नव्या कोरोनाबाधित रूग्णांमध्ये बेलापुर विभागात ५०, नेरूळ विभागात ७२, वाशी विभागात ५२, तुर्भे विभागात ५३, कोपरखैराणे विभागात ४९, घणसोली विभागात ३६, ऐरोली विभागात ६४, दिघा विभागात कोरोनाचे ७ रूग्ण सापडले आहेत.

नवी मुंबई शहरात  कोरोनाबाधितांच्या संख्येत दररोज वाढ होत आहे. वाढत्या संसर्गामुळे शहरात कोरोनाबाधितांची  एकूण संख्या ३७  हजाराच्या पुढे गेली आहे. तर शहरात गुरूवारी ४ जणांचा कोरोनामुळे मृत्यू झाला असून कोरोनामुळे मृत पावलेल्यांची एकूण संख्या ७५४ झाली आहे. शहरात ३,६४५ रुग्णांवर उपचार सुरू आहेत. शहरात आतापर्यंत एकूण २,०१,३९२  चाचण्या  करण्यात आल्या असून कोरोनामुक्तीचा दर  वाढला आहे. तर शहरातील मृत्यूदरही कमी झाला आहे.