नवी मुंबई : नेरूळ सेक्टर २ मधील एलआयजी वसाहतीमधील मल:निस्सारण वाहिन्यामधील चोकअप काढण्याची लेखी मागणी नवी मुंबई जिल्हा कॉंग्रेसच्या सचिव विद्या भांडेकर यांनी महापालिकेचे नेरूळ विभाग अधिकारी दत्तात्रेय नांगरे यांच्याकडे मंगळवारी (दि. २९ डिसेंबर) केली आहे.
नेरूळ सेक्टर २ मध्ये श्रमिकांची, अल्प उत्पन्न गटातील, तसेच मध्यमवर्गियाची निवासी वस्ती असलेली एलआयजी वसाहत आहे. या एलआयजी वसाहतीमध्ये वारणा, आम्रपाली, घरकुल, जयहिंद, सविनय या पाच गृहनिर्माण सोसायट्यांचा समावेश होत आहे. येथील मल:निस्सारण वाहिन्या पूर्णपणे चोकअप झालेल्या असून रहीवाशांना दुर्गंधीचा सामना करावा लागत आहे. यामुळे रहीवाशांच्या जिविताला धोका निर्माण होण्याची शक्यता आहे. समस्येचे गांभीर्य व स्थानिक रहीवाशांना सहन करावा लागणारा त्रास पाहता येथील मल:निस्सारण वाहिन्या सफाई करण्याचे निर्देश देण्याची मागणी विद्या भांडेकर यांनी महापालिका प्रशासनाकडे केली आहे.
