कामगार नेते रवींद्र सावंत यांनी केले या कोर्टचे उद्घाटन
नवी मुंबई : नेरूळ सेक्टर ४ येथील महापालिका विभाग कार्यालयासमोरील क्रिडांगणावर व्हॉली बॉल कोर्टचे उद्घाटन कामगार नेते व नवी मुंबई जिल्हा कॉंग्रेसचे प्रवक्ते रवींद्र सावंत यांच्या हस्ते रविवारी, दि. १० जानेवारी रोजी सांयकाळी ५ वाजता झाले. यावेळी स्थानिक रहीवाशी व मुले तसेच गृहनिर्माण सोसायटीचे पदाधिकारी उपस्थित होते.
स्थानिक परिसरातील मुलांनी कॉंग्रेसचे नेते रवींद्र सावंत आणि नवी मुंबई जिल्हा कॉंग्रेसच्या सचिव विद्या भांडेकर यांच्याजवळ परिसरात व्हॉली बॉल खेळण्यासाठी कोर्ट उपलब्ध नसल्याची खंत व्यक्त करत व्हॉली बॉल खेळण्यास आपली गैरसोय होत असल्याची तक्रार केली होती. यावर क्रिडाप्रेमी असणारे रवींद्र सावंत यांनी सेक्टर ४च्या क्रिडांगणावर स्थानिक मुलांना व्हॉली बॉल खेळता यावा यासाठी व्हॉली बॉल कोर्टची निर्मिती केली व त्यांचेच उद्घाटन रविवारी सांयकाळी कामगार नेते रवींद्र सावंत यांच्या हस्ते झाले. यावेळी नवी मुंबई जिल्हा कॉंग्रेसच्या सचिव विद्या भांडेकर, विभागातील ज्येष्ठ नागरिक अशोक महाजन, नानोटी, इंदरसिंग ठाकूर, किशोर रामाणे, योगेश पाटील, श्री रॉय, रमेश सिंग, टोनि , फिरोज यांच्यासह स्थानिक परिसरातील मुले, रहीवाशी व गृहनिर्माण सोसायटीचे पदाधिकारी उपस्थित होते.
