नवी मुंबई : केंद्रातील मोदी सरकारला पंतप्रधान नरेंद्र मोदींच्या नेतृत्वाखाली 30 मे रोजी 7 वर्षे पूर्ण झाली आहेत, त्यानिमित्ताने जागतिक पर्यावरण दिनी 5 जुन रोजी सानपाड्यात प्रभाग 76 मध्ये भाजपा आमदार सौ. मंदाताई म्हात्रे यांच्या मार्गदर्शनाखाली भाजपाचे युवा नेते पांडुरंग आमले यांच्या नेतृत्वाखाली वृक्षारोपण करण्यात येणार आहे.
या वृक्षारोपण कार्यक्रमास स्थानिक आमदार सौ. मंदाताई म्हात्रे यांच्यासह भाजपा नवी मुंबई जिल्हाध्यक्ष रामचंद्र घरत, महासचिव डॉ. राजेश पाटील, महामंत्री विजय घाटे उपस्थित राहणार आहे. या वृक्षारोपण कार्यक्रमात कोरोना महामारीच्या पार्श्वभूमीवर नियमांचे पालन करण्यात येणार असून या कार्यक्रमास स्थानिक निसर्गप्रेमी फांऊडेशन, साईभक्त सेवा महिला फाऊंडेशन, विभागातील साई भक्तांसह नवी मुंबई महापालिका प्रशासन सहकार्य करणार असल्याची माहिती पांडुरंग आमले यांनी दिली.
