संदीप खांडगेपाटील : ८३६९९२४६४६ – ९८२००९९६५७३
नवी मुंबई : कोरोना महामारीचे प्रमाण नवी मुंबईत गेल्या काही दिवसापासून कमी होत असतानाच रविवारी (दि. २० जुन) नवी मुंबईत कोरोनाचे १३५ नवीन रुग्ण आढळून आले आहे तर कोरोनामुळे ७ जणांचा मृत्यू झाला आहे. कोरोनामुळे नवी मुंबईत आजवर १७०१ जणांचा मृत्यू झाला आहे.
वाशी येथील सिडको एक्झिबिशन सेंटरमध्ये आजही २७७ कोरोना रूग्णांवर उपचार करण्यात येत असून अन्यत्र कोरोना सेंटरमध्ये कोरोना रूग्णांवर उपचार सुरू आहेत. २५० नवी मुंबईकर होम आयसोलेशन होवून कोरोनाशी लढा देत आहे. आज सापडलेल्या नवीन १३५ कोरोना रूग्णांमध्ये बेलापुर विभागात २२ रूग्ण, नेरूळ विभागात २७ रूग्ण, वाशी विभागात १४ रूग्ण, तुर्भे विभागात ९ रूग्ण, कोपरखैराणे विभागात २९ रूग्ण, घणसोली विभागात १७ रूग्ण, ऐरोली विभागात १४ रूग्ण, दिघा विभागातील ३ रूग्णांचा समावेश आहे.
