संदीप खांडगेपाटील : ८३६९९२४६४६ – ९८२००९६५७३
Navimumbailive.com@gmail.com
नवी मुंबई : गेल्या काही वर्षापासून महापालिका ते मंत्रालयीन पातळीवर महापालिका कर्मचाऱ्यांच्या समस्यांसाठी पाठपुरावा करत असल्याने गेल्या काही दिवसापासून नवी मुंबई इंटकला व नवी मुंबई इंटकशी संलग्न कामगार संघटनांना कामगारांचे पाठबळ सदस्यत्वाच्या स्वरूपात पहावयास मिळाले आहे. बुधवारी (दि.७ जुलै) महापालिकेच्या उद्यान विभागामध्ये काम करणाऱ्या माळी कर्मचाऱ्यांनी नवी मुंबई इंटक संलग्न महाराष्ट्र कर्मचारी युनियनचे सदस्यत्व स्विकारत युनियनमध्ये जाहिरपणे प्रवेश केला. यावेळी कामगार नेते रविंद्र सावंत यांच्या उपस्थितीमध्ये हा प्रवेश केला.
यावेळी झालेल्या बैठकीमध्ये उद्यान विभागातील कर्मचाऱ्यांनी आपल्या समस्यां रविंद्र सावंत यांच्यासमोर वाचून दाखविताना कोरोना काळात स्वत:च्या जिवाची पर्वा न करता उद्यान विभागात काम करूनही प्रशासनाला त्याची जाणिव नसल्याची खंत यावेळी कामगारांनी व्यक्त केली. कामगार नेते रविंद्र सावंत यांनी चर्चेतून कर्मचाऱ्यांच्या समस्या जाणून घेतल्यावर प्रशासन दरबारी या समस्यांना वाचा फोडून कर्मचाऱ्यांना न्याय मिळवून देण्याचे आश्वासन यावेळी दिले.
