संदीप खांडगेपाटील : ८३६९९२४६४६ : ९८२००९६५७३
Navimumbailive.com@gmail.com – Sandeepkhandgepatil@gmail.com
नवी मुंबई : महापालिकेच्या वाशीतील प्रथम संदर्भ रूग्णालयातील कामगारांच्या समस्यांबाबत व असुविधांबाबत कामगार नेते व नवी मुंबई इंटकचे अध्यक्ष रवींद्र सावंत यांनी महानगरपालिकेचे मुख्य वैद्यकीय अधिकारी डॉ. प्रशांत जवांदे यांची कामगारांसमवेत भेट घेतली व कामगारांच्या समस्याबाबत रवींद्र सावंत यांनी डॉ. जवांदे यांच्याशी विस्तृत चर्चा केली.
यावेळी कामगार नेते रवींद्र सावंत यांच्यासमवेत शिष्टमंडळामध्ये इंटकचे वाशी रूग्णालयातील अध्यक्ष प्रमोद भेरे, पदाधिकारी सुधीर पुत्रन, सुहास म्हात्रे, सुधीर पुत्रन, प्रतिभा नाईक, नंदा घरत, हरिभाऊ शिंदे, रोहिदास पवार, विश्वनाथ दिवेकर, नंदकुमार भोपी सहभागी झाले होते. चर्चेच्या वेळी डॉ. ओतुरूरकरही उपस्थित होते.
कामगार नेते रवींद्र सावंत यांनी रुग्णालयीन कर्मचाऱ्यांना भेडसावणाऱ्या समस्यांबाबत डॉ. जंवादे यांच्याशी विस्तृतपणे चर्चा करत तोडगा काढण्याची व कामगारांना न्याय मिळवून देण्याची मागणी केली. यावेळी कामगारांनीही आपल्याला कामातील असुविधा व समस्यांबाबत बैठकीत चर्चा केली, यावेळी डॉ. जवांदे यांनी लवकरात लवकर प्रशासनाच्या माध्यमातून यावर मार्ग काढण्याचे आश्वासन दिले.
