संदीप खांडगेपाटील : ८३६९९२४६४६ – ९८२००९६५७३
Navimumbailive.com@gmail.com – Sandeepkhandepatil@gmail.com
नवी मुंबई : शिक्षक दिनानिमित्त राष्ट्रवादी कॉंग्रेस नेरूळ तालुका पदाधिकाऱ्यांच्या माध्यमातून प्रभाग ८५ व ८६ मधील शिक्षकांचा घरोघरी जावून सत्कार करण्यात आला व शिक्षकांना विशेष पुरस्काराने सन्मानितही करण्यात आले. गेल्या वर्षीही राष्ट्रवादी कॉंग्रेसचे नेरूळ तालुका अध्यक्ष महादेव पवार यांनी या कार्यक्रमाचे आयोजन केले होते.
कोरोना महामारीच्या काळात विद्यार्थ्यांना ऑनलाईन शिक्षण देण्यासाठी शिक्षक करत असलेल्या परिश्रमाची दखल घेवून राष्ट्रवादी कॉंग्रेस नेरूळ तालुक्याच्या वतीने शिक्षकांचा हा गुणगौरव करण्यात आला. विद्यार्थ्यांच्या जडणघडणीत असलेले शिक्षकांचे योगदान आणि ऑनलाईन शिक्षण पध्दतीच्या काळातही विद्यार्थ्यांवर संस्कार घडविण्यासाठी शिक्षक वर्ग घेत असलेले परिश्रम यामुळे शिक्षकांप्रती कृतज्ञता व्यक्त करण्यासाठी या कार्यक्रमाचे आयोजन करण्यात आले असल्याची माहिती राष्ट्रवादी कॉंग्रेसचे तालुकाध्यक्ष महादेव पवार यांनी दिली.
शिक्षक दिनी महादेव पवार यांच्यासमवेत समाजसेविका सौ. सुषमा महादेव पवार, राष्ट्रवादी कॉंग्रेसचे प्रभाग ८५ चे अध्यक्ष यशवंत मोहिते, प्रमोद शेळके, रोहिदास हाडवळे, रवी सुर्वे, राजेंद्र कोरडे, रोहन वाघ आदींनी विभागातील शिक्षकांचा घरोघरी जावून सत्कार केला.
