नवी मुंबई : शहरातील दिशादर्शक फलकावरील माजी नगरसेवकांची नावे महापालिका प्रशासनाने सर्वच भागातील काढून टाकली असली तरी महापालिका प्रभाग १०० मध्ये अजूनही दिशादर्शक फलकावर माजी नगरसेवकांची नावे तशीच आहेत. ती नावे त्वरीत काढून टाकण्याची लेखी मागणी महापालिका ब प्रभाग समितीचे माजी सदस्य मनोज यशवंत मेहेर यांनी महापालिका आयुक्त अभिजित बांगर यांच्याकडे एका निवेदनातून केली आहे. निवेदनासोबत मनोज मेहेर यांनी संबंधित माजी नगरसेवकांची नावे असलेल्या दिशादर्शक फलकाची छायाचित्रेही सादर केली आहेत.
