रविवारी ८८ लाख रुपयांच्या विकासकामांचे होणार भूमिपूजन व लोकार्पण
स्वाती इंगवले : ८३६९९२४६४६ – Navimumbailive.com@gmail.com
पनवेल : उरण विधानसभा मतदार संघाचे कार्यसम्राट आमदार महेश बालदी यांच्या स्थानिक विकास निधी अंतर्गत चौक विभागातील विविध विकासकामांचा भूमिपूजन व लोकार्पण सोहळा रविवार, १० ऑक्टोबर रोजी दुपारी १२ वाजता आयोजित करण्यात आला आहे. त्या अनुषंगाने ८८ लाख रुपयांच्या विकासकामांचे भूमिपूजन व लोकार्पण होणार आहे.
या कार्यक्रमास भाजपचे उत्तर रायगड जिल्हाध्यक्ष आमदार प्रशांत ठाकूर, आमदार महेश बालदी, माजी आमदार देवेंद्र साटम, खालापूर तालुका भाजपचे अध्यक्ष रामदास ठोंबरे, जिल्हा सरचिटणीस विनोद साबळे, यांच्यासह पदाधिकाऱ्यांची प्रमुख उपस्थिती लाभणार आहे.
कार्यसम्राट आमदार महेश बालदी यांच्या स्थानिक विकास निधी अंतर्गत चौक येथे तलाव सुशोभिकरण (३० लाख रुपये), चौक तारापूर येथे सभागृह बांधणे (१० लाख रुपये), चौक येथील मोर्बे गावातील अंतर्गत रस्ता डांबरीकरण करणे (८ लाख रुपये) या विकासकामांचे भूमिपूजन, चौक येथील शिवसेना शाखा ते संतोष हातमोडे यांच्या घरापर्यंतचा अंतर्गत रस्ता कॉक्रीटीकरण (५ लाख रुपये), चौक येथील मुरली साखरे यांच्या घरापासून ते श्री स्वामी समर्थ मठापर्यंतचा अंतर्गत रस्ता काँक्रीटीकरण(२ लाख ९९ हजार), चौक नानिवली आदिवासी वाडी येथील अंतर्गत रस्ता काँक्रीटीकरण (४ लाख रुपये) या विकासकामांचे तसेच चौक ग्रामिण रुग्णालयासाठी यंत्रसामुग्री व साहित्य (३३ लाख ५० हजार रुपये ) लोकार्पण होणार आहे.
