स्वयंम न्यूज ब्युरो : Navimumbailive.com@gmail.com
नवी मुंबई : सानपाडा सेक्टर २ मधील शिवपार्वती इमारतीसमोरील पदपथावर असलेला मोठा खड्डा तात्काळ बंदीस्त करण्याचे संबंधितांना निर्देश देण्याची मागणी भारतीय जनता युवा मोर्चाचे नवी मुंबई उपाध्यक्ष व अखिल भारतीय माथाडी संघटनेचे नवी मुंबईचे जिल्हाध्यक्ष पांडुरंग आमले यांनी महापालिका आयुक्त राजेश नार्वेकर यांच्याकडे एका लेखी निवेदनातून केली आहे.
सानपाडा सेक्टर २ मधील शिवपार्वती इमारतीसमोरील पदपथावर नारायण डेअरीसमोर तीन आठवड्यापूर्वी पदपथावर मोठा खड्डा पडला आहे. तीन आठवडे झाले तरी पदपथाची डागडूजी करण्यासाठी महापालिका प्रशासनाकडून काहीही कार्यवाही झालेली नाही. सध्या पाऊस पडत आहे. रात्रीच्या वेळी वीज गेल्यास पावसामध्ये अंधारात पदपथावर ये-जा करणारे नागरिक त्यात पडून त्यांना इजा होण्याची भीती आहे. ही दुर्घटना टाळण्यासाठी समस्येचे गांभीर्य जाणून घेता, आपण तात्काळ या ठिकाणी असलेला खड्डा बुजवून पदपथाची डागडूजी करण्याचे संबंधितांना निर्देश देण्याची पांडुरंग आमले यांनी महापालिा आयुक्तांकडे केली आहे.
